Ha’u hapara ha’u nia la’o persis iha odamatan sala muzika nian, Iha laran ne’eba, iha feto klosan ida book nia liman fuan sira iha tuts piano mutin. Sim, nia mak Isabella Kira Gotzoen, ne’ebe baibain bolu Bella. Nia iha hobi ne’ebe ‘aneh’ oituan mai ha’u, ne’e mak gosta hakmesak-an iha sala muzika nia laran.
Loron-loron depoisde eskola ha’u sempre liu husi sala muzika oin no Bella sempre iha laran. Nia hobi ne’ebe ‘aneh’ halo ha’u kagum. Tambasa? Tamba wainhira ha’u liu husi sala muzika oin, ha’u sempre rona nada piano muzika Hillsong nian. Ha’u Elvaretta Corine ne’ebe bain-bain bolu Erine, hakarak tebtebes hasoru no bolu nia atu troka opiniaun ba malu. Perguntas barak kona ba nia mos mosu hela de’it iha ha’u nia hanoin husi uluk.
Neneik maibe pasti, ha’u lpke odamatan sala muzika ne’e. Pasu ba pasu ha’u foti hodi hakbesik ba nia. Momentu ida depois, Bella nota hau nia prezensa. Ho lais, nia taka piano, foti nia pasta, no halai sai husi sala muzika.
‘’Heyy, Bella! Hein lai!!!’’ ha’u hakilar bolu nia.
Nia ba halai lakon la ho rastu ida.
“Nia nusa? Tambasa nia tauk hasoru ema seluk? Padahal ha’u la’os monster. Ah tona bah. Aban mak ha’u koko hakbesik tan ba nia.’’ Murmura husi ha’u enkuantu sai husi sala muzika.
Loron tuir mai depoisde eskola sai, ha’u fila ba sala muzika atu hasoru Bella. Akontesimentu ne’ebe hanesan akontese fila fali. Nia taka piano no foti pasta. Nia koko atu halai sai maibe nia esforsu la susesu. Ha’u dada nia liman lais. Husi diresaun seluk, nia tenta atu rebela kontra ha’u.
‘’Husik ha’u nia liman! Ha’u atu fila!’’ nia hakilar ho nia lian ne’ebe halo ha’u hakfodak. Ho lais ha’u husik nia liman. Ha’u la espera, bella ne’ebe bonita tebtebes iha lian ne’ebe ladun pas ba nia. Sim, nia lian cempreng liu.
‘’Deskulpa Bella. Ha’u la bermaksud hasne’e.’’ ha’u hatete.
‘’La buat ida. Ho propozitu saida mak halo o mai hasoru ha’u?’’ nia husu ho lian ne’ebe sai nia ‘ciri khas’.
‘’Hmm, honestu ha’u hakarak hatene barak konaba O. Ha’u hakarak hatene tambasa O sempre mesmesak iha ne’e depoisde eskola sai. Tambasa O la la’o ho O-nia kolega seluk-seluk?’’ ha’u husu ho suspreza.
Bella hakruuk tun. Nia la hatan ha’u nia perguntas. Depoisde momentu balun, nia hatan: ‘’Lolos ne’e o hatene, Erine, tambasa ha’u nunka la’o ho ha’u nia kolega. Dahuluk, Maromak fo lian ne’ebe sabraut mai ha’u, tuir tan Maromak la fo kolega mai ha’u tan ha’u nia lian ne’e. ema sira ne’ebe bolu ha’u atu kolia sempre kolia aat ha’u. Ha’u lahatene tambasa Maromak la justu? Tambasa Maromak fo lian att ne’e mai ha’u? tambasa Maromak halo ema hadook an husi ha’u? Maromak iha odiu ho ha’u ka ne’e mak nia kria ha’u hanesan ne’e?’’
‘’Bella, o labele hateten hanesan ne’e, O tenke hatene, ema hotu ne’ebe Maromak kria ne’e furak. Nia kriatura hotu laiha ida mak aat, inklui mos O no O-nia lian, Bella’’. Ha’u hatan ho firmeza.
‘’Furak? La aat? Oinsa mak hanesan ne’e? Ha’u sei lahadook husi kolega sira sekarik ha’u nia lian hanesan Nikita lae Citra Scholastika! Maromak ne’e injustu liu!!’’ nia ko’alia ho nakdedar tamba atu tanis ona.
‘’Ssstttt, Bella. Maromak kria buat hotu sempre ho propozitu ne’ebe loos, la arbiru. O pernah lee Jeremias cap.29 ver.11? Iha ne’eba hakerek katak planu hotu-hotu ne’ebe Maromak iha ne’e planu ba dame, la’os planu ba asidente sira. Hanoin ba, ema hotu ne’ebe Maromak kria ne’e anugrah ne’ebe ekstraordinariu. Sai forsa iha Nia ukun ba, Bel.’’ Ha’u hatete sambil hamoos nia mata been ne’ebe tun tiha ona.
Loron lima deoisde akontesimentu ne’e, ha’u nunka hetan tan Bella. Nia muda eskola? Ka muda ba fatin seluk? Nia hirus ha’u tan tan ha’u nia liafuan to’o nia lakohi mai eskola? Maibe espera nia bele komprende buat ne’ebe ha’u hateten loron lima liu ba.
Tinan ida, tinan rua, tinan tolu, ha’u hala’o ha’u nia juventude ho Nia (Maromak). Ha’u hasoru tiha ona buat hotu ho Nia. Maibe, iha buat ida ne’ebe halo ha’u sente mamuk. Bella nunka hatudu nia an iha ha’u nia oin. Ha’u hakarak tebtebes hasoru nia no konta buat barak. Nia numeru telefone la alkaneadu, ha’u nia mensazen mos la hatan. Oinsa ha’u buka nia?
Ha’u loke televizaun iha ha’u nia kuartu atu akompana ha’u nia tempu livre ohin. Ha’u nonton show talent iha kanal ida. Kompetisaun ne’e to’o ona nia final no kuaze atu hotu ona. Derepente, ha’u nia matan arregalaram kuandu hare finalista show ne’e ida. Imi bele predika? Sim, nia ha’u nia kolega, Bella! Momentu anunsiu vensedor realizadu, Bella mak sai manan nain iha pozisaun dahuluk.
‘’Obrigadu, ba Aman Maromak ne’ebe sempre iha mai ha’u. Ba Papa, Mama, kolega sira hotu. Espesialmente ba kolega ne’ebe nunka atu ha’u haluha, Elvaretta Corine, ne’ebe uluk fo motivasaun no halo ha’u sai hanesan agora. I miss you so bad, Erine. Thank you all! Jesus bless you!’’ hatete husi Bella iha nia diskursu vitoria nian.
Ha’u nia matan been satan ladiak ona no habokon ha’u nia hasan loos no karuk. Momentu depois, Bella hananu muzika ida ne’ebe halo ha’u admira tebes ho nia.
Amazing Grace, How sweet the sound
That saved a wretch like me
I once was lost but now I’m found,
Was blind, but now, I see
Lian dourada ne’ebe hasai husi Bella halo ha’u lapiska matan hare nia. Inesperada, nia lian halo ha’u nia fuan nakdedar.
‘’Ha’u hatene O bele, Bell. Finalmente, O bele konese O-nia an rasik. Ha’u hatene sei muda, tamba buat hotu designadu ona husi Nia (Maromak). His Grace is always perfect, Bella.’’ Ha’u nia liafuan ba Bella, mesmuke ha’u so bele hare nia husi televizasaun de’it.
Mensazen: Maromak sempre iha planu ne’ebe furak no di’ak liu duke ita nia planu rasik. Nia kria ema hotu hanesan, laiha ida liu ida seluk maibe ho ida-idak nia privilegiu no mesak uniku.
Fiar nafatin ba Nia no pasensia hodi hein dalan susesu ne’ebe nia hili ba O.
